Atuilluarnikkut aningaasaqarnikkut ingerlatsineq
CSR Greenland atuilluarnikkut aningaasaqarnikkut ingerlatsinissaq pillugu Siunnersuisooqatigiilersussanik pilersitsinissaq suliniutigivaa tamannalu uterfigiumaarlugu tamanna timitalerneqarniariarpat sulinissaminullu tunngavissiuunneqarniariarpat.
Saligaatsoq
Aasat tamaasa junip qaammataani ”Saligaatsoq” ingerlanneqartarpoq. Taanna tassaavoq suliffeqarfiit eqqiaaqatigiinnerat. Ukiorlu manna Saligaatsoq ingerlanneqassaaq sisamanngornermi 15. juni 2017 nal. 14 – 17.
CSR Greenland 2010-mili pilersaarusiornerit eqqiaanermillu ingerlatsinerit isumagisarsimavai, ukiullu kingulliit ingerlatsineq illoqarfinnut allanut aamma siammaassimallugu. Eqqiaaqatigiinnermi siunertaavoq illoqarfitsinnik avatangiisitsinnillu qaninnerusumiittunik eqqiaasarnissaq uatsinnut, pinngortitamut uumasunullu iluaqutaasussamik.
Avatangiiserik
CSR Greenland akimut suleqatigiilluni Avatangiiserik-mik taallugu suleqatigiiffimmik ataatsimiititsisartuuvoq. Suleqatigiffik pineqartoq kvartalikkuutaartumik naapittarpoq naapinnernilu misilittakkanik, ilisimasanik isummersuutinillu paarlaasseqatigigiinnerit ingerlanneqartarlutik.
Akuttunngitsumik saqqummiussillutik oqalugiartussanik aggersitsisarpugut isumassarsiornitsinni iluaqutissatsinnik, immitsinnullu suut tamaasa akimorlugit atortarpugut, aamma ataatsimiinngikkaluarlutaluunniit.
Peqataasut tassaasarput suliffeqarfiit CSR Greenlandimi ilaasortaasut, Namminersorlutik Oqartussat, inuiaqatigiinni suliniaqatigiiffiit aammalu Kommuneqarfik Sermersooq.
Clean Greenland - Green Companies
CSR Greenlandip WWF suleqatigalugu pilersaarut ukiuni pingasuni 2013-imiit 2016-imut ingerlasussaq, nunatsinni suleqatigiiffiit akornanni isumatuumik avatangiisinut iliuuseqarnissamik tunngaveqartoq, ingerlappaa.
Taanna taaguuteqartinneqasimavoq 'Clean Greenland - Green Companies' siunertaralugu, avatangiisinik mianerinninnerup siammarnerulluni annertunerulernissaa aammalu suliffeqarfiit peqataasut avatangiisinut nungullarsaanerminnik annikillisaanissaat pilersaarusiorluagaasumik isumaliutigillugaasumillu avatangiisinut tunngasutigut suliaqarnissamik pilersitsinikkut, aammalu angusat oqaloqatigiissutigisarnerisigut iluaqusiisussamik.
