da-DKkl-GLen-GB

Nyheder

Tusagassiuutinut nalunaarut: Nuna tamakkerlugu Saligaatsoq

Published on 20. juni 2019

Tusagassiuutinut nalunaarut: Nuna tamakkerlugu Saligaatsoq

Kujataaniit Nanortalimmiit Qeqertarsuup Tunuata kujasinnerpaanut Aasiannut aamma avannaani Upernavimmi Saligaatsoq 2019 ingerlanneqalereersimavoq. Ukioq manna Saligaatsoq tamanut ammaanneqarpoq, tamannalu kinguneqarsimavoq Saligaatsup oqaluttuarisaanerani siullerpaamik illoqarfiit aamma nunaqarfiit taamak amerlatigisut peqataammata – tassa illoqarfiit 15-it nunaqarfiillu arlallit.

Peqataasut ilaatigut tassaapput nammineq kajumissutsiminnik peqataasut, atuartut, Facebook-imi eqimattat soorlu Plastic Not So Fantastic, Meeqqat Saligaatsornissaanut Namminersorlutik Oqartussani Naalakkersuisoqarfik allarpassuillu.

 

Sumiiffinni suliffeqarfiit annertuumik tapersersuipput aammalu piumassutsiminnik Saligaatsumut ukioq manna peqataasut amerlallutik. Sumiiffinni Saligaatsulerinermi isumassarsiat amerlasimapput. Soorlu ilai saliiutigalutik ’Get fit while cleaning’-ngertut allallu namminneq piumassutsiminnik tunissuteqarlutik peqataasunut eqqugassaqartitsisut.

 

Saliisutsialak

Nuummi Saliisutsialattut toqqarneqartoq tassaavoq Qaanaamiit nakorsiartoq Tornge Qaavigaq, Dronning Ingridip napparsimavissuanut nakorsiarnermini ukiup aappaassaa peqataasoq. Torngep eqqorpaa Materialegårdenimit eqqakkanik katersuut kuultimik qalipanneqarnikoq aamma Camilla Nymand Petersenimiit plakatiliaq Imartatsinni Uumassuseq.

Plakatip pisiarineqarnera tamaasa 50 kr. Global Dignity Kalaallit Nunaat-imut tapersiissutigineqartarpoq. Taakku suliniutigaat meeqqat inuusuttullu naleqassussaat qaffassassallugu. Suliniutiminni aamma avatangiiseq sammitittarpaat.

 

Kujataani Saligaatsoq

17. maj 2019 tussiarfissuarmiarmi Qaqortumi inuit 100-it sinnerlugit saleeqataapput. Saleereernerup kingorna grill-erisoqarpoq eqqugassanillu makitsisoqarluni. Kalaallit Nunaanni Brugseni Kommune Kujalleq suleqatigalugu saliisitsineq piviusunngortippaat. Pisiffik eqqaavissanik containerinik piareersaaqataavoq.

26. maj 2019 Narsami najukkami ataatsimiititaliap Kommune Kujalleq, Brugseni, Pilersuisoq aamma Inuili suleqatigalugu Saligaatsoq ingerlappaat. Pilersuisoq aamma Inuili Katersortarfimmi ullaakkorsiortitseriarlutik saliineq aallartippoq. Inuit 50-it missaani peqataasimapput eqqakkanillu annertuunik katersisimallutik. Saleereernerup kingorna Brugseni naatitanik sassaalliuteqarpoq. Narsami najukkami ataatsimiititaliap saliineq ingerlalluarsimasutut nalilerpaa.

Narsarsuarmi Kommune Kujalleq, Air Greenland aamma Mittarfeqarfiit suleqatigiillutik arfininngornermi 1. Juni saliisitsineq piviusunngortippaat. 1. Juni saliineq klubbimi aallartinneqarpoq, saliinerullu kingorna grill-erisoqarluni. Siunnersuutitsialammik unammisitsisoqarnerani aamma ajugaasumik toqqaasoqarpoq.

Sapaat 16. juni Loré Martinsenip nammineq kajumissutsiminik Saligaatsoq Alluitsup Paani piviusunngortippaa. Loré nammineerluni 250 kr.-nimik nalilimmik gavekortimik eqqugassamik pisisimavoq. Lorép arnaa kalaaliminernik tunisisimavoq, naammassereernermi nerilluaatissanik. Pilersuisoq imeruarsaatinik naatitanillu tapersiivoq. Eqqaaviit puussaat namminersortuniit pissarsiarineqarsimapput.

Pinngortitami saligaatsuutitsinissaq tamatta ataatsimoorluta akisussaaffigigatsigu, Lorép maligassiuinera assut tulluusimaarutigeqaarput. Neriuppugut aappaagu Alluitsup Paa peqataaqqikkumaartoq, amerlanerillu aamma Loré malikkumaaraat.

 

Kitaani aammalu qeqqani Saligaatsoq

12. juni Saligaatsoq Nuummi ingerlanneqarpoq. Suliffeqarfiit piumassutsiminnillu saleeqataajumasut 37-it peqataaniarlutik nalunaarsimapput, katillugillu saliisussat 562-isimallutik. Stark-ip puussiarsuit aaqqatillu tapersiissutigivai, Brugsenillu naatitat imeruersaatillu tapersiissutigalugit. Materialegårdip eqqakkanik katersuutit atukkiuppai. Materialegårdi & Godthåb Transport Service-p eqqakkat katersorneqarnikut katersorsinnarlugit ikuallaaviliaappaat.

Nunaqarfiit Kapisillit aamma Qeqertarsuatsiaat Saligaatsumut aamma peqataapput.

Meeqqanut Saligaatsoq siullermeertumik Nuummi ingerlanneqarpoq. Nuummi eqqakkanik tigooraavik, Silap Pissusianik Ilisimatusarfik aamma Pinngortitamut Avatangiisinullu Naalakkersuisoqarfik meeqqanut eqqakkat pillugit qanorlu pinngortitami sunniuteqartarnersut pillugit assigiinngitsunik sammisaqartitsipput. Meeqqat peqataajartortut tassaapput meeqqerivinniit atuartunut angajullernut.

Ulloq 13. juni 2019 Paamiuni Saligaatsoq ingerlanneqarpoq. Saliisitsinermi puussiarsuarmik qinnertumik ulikkaaqqasumik tunniussinermi, billet makitsissutissaq ataaseq pissasiarineqartarpoq. Billitsillu 700 missaat tunniunneqarsimallutik. Tunissutigineqartut amerlasuut makitsissutigineqarput.

CSR Greenlandimiit Saligaatsumi nutaaliornerit ilassilluarneqarput, Saligaatsumut tunniussimaarnermik peqataarusunnermillu kinguneqarmata.

 

Saligaatsoq Maniitsoq pingasunngorneq 12. juni 2019 suliffeqarfinnik 21 peqataasoqarluni ingerlanneqarpoq. Maniitsumi pilersaarusiortut ukioq naallugu suliniutaasinnaasunik aamma siunnersuuteqarpoq, soorlu illoqarfimmi sullorsuaq ukiumut marloriarlugu salinneqartarnissaanik kiisalu illoqarfimmi eqqaaviit amerlanerusut aammalu anginerusut siunnersuutigineqarlutik.

 

“Saligaatsoq Sisimiut 2019 iluatsilluartumik ingerlanneqarpoq! ” Sisimiuni ataqatigiissaarisoq qujamasuttoq, Mette Noort Hansen taamatut oqaaseqarpoq. Qeqqata Kommunianiit, Brugsenimiit, KTI-miit Pissassarfimmiillu 50-it saleeqataapput, meeqqallu sanioqqunnerminni pikkoreqalutik saleeqataalersimallutik. Eqqakkat katersorneqartut ilagivaat biilit assakaasui, sanaartornermi atortut, mamakujuttut puukui, sikkilit aquutaai arsakullu 1000-tilikkaat.

 

Avannaani aammalu Tunumi Saligaatsoq

Teknikkikkut Ingerlatsivik Upernavik Saligaatsup ingerlariaasia assigalugu ukiut tamaasa saleersuarnermik taallugu saliisitsisarsimavoq. Ukioq manna saleersuarneq 8. juni Saligaatsoq-mik taallugu ingerlanneqarpoq. Suliffeqarfiit namminersortullu 15-t peqataapput aammalu eqqugassanik tunissuteqarlutik kiisalu eqqakkat katersoneqartut assartorneqarnerat tunissutigineqarluni.

 

Atuarfiak Gammeqarfik, Kommue Qeqertalik aamma Cafe Aasiaat I/S suleqatigiillutik majimi saliinermik aaqqissuussipput. Ulloq unammisitsinertut Atuarfik Gammeqarfimmi atuartunut akullernut ingerlanneqarpoq. Atuartut 5.M-imeersut katersinerpaasimasutut toqqarneqarput. Klasse-lu tamarmi cafériassapput 20. juni. CSR Greenlandip 5.M pilluaqquaat!

 

Tullinnguuttut

Sumiiffiit ilaanni suli aputeqarmat Saligaatsoq 2019 Avannaani kiisalu Kangiani augustimi ingerlanneqassaaq.

CSR Greenlandip Saligaatsoq 2019 pillugu tamakkiisumik kingusinnerusukkut nalunnaruteqarnissani qilanaaraa.

 

Annersumik paasissutissat uunga saaffiginnilluni pissarsiarineqarsinnaapput:

Ivinnguaq Kristiansen

Ivinnguaq.kristiansen@csr.gl

T: 36 37 18

Comments (0)Number of views (306)

Author: CSR Greenland

Categories: Uncategorized

Tags:

CSR Greenland       Jens Kreutzmannip Aqq. 3     Postboks 73     3900 Nuuk     csr@csr.gl     +299 363716

 

CSR Greenland       Jens Kreutzmannip Aqq. 3     Postboks 73     3900 Nuuk     csr@csr.gl     +299 363716

 

onitsuka tiger singapore kate spade uk billig nike free zapatillas running asics hollister outlet asics nimbus abercrombie uk nike free tilbud